Natura

Ispasterko herrigunea bideak gurutzatzen du, Elexalde moduan ezagutzen den inguru hori XIX. mendekoa omen da, nahiz eta lehenagoko aztarnek aurkitu izan diren. Plaza honetan kokatzen da eliza, bere inguru guztia hartzen du elizpeak.

Herriko auzoetan banatuta daude baselizak, jauregiak eta interes arkitektonikoa duten baserriak.

Zubieta, Arana eta udaletxea kokatzen den eraikinak dira jauregi aipagarrienak. Zubieta jauregia Martin Zalduak eraiki zuen, erdiko patio baten inguruan, Jauregiko aurrealde nagusiaren albo banatan bi dorre soil daude eta jauregiaren inguruan parke eder bat dago. Gaur egun hotel bihurtuta dago bertako zalditegia.

Arana jauregia 1500eko baserri gotiko zahar baten handitzea da, eta atzealdean oraindik dirau antzinako baserriaren ate zorrotzak. Etxe honetan Jacinto Arana inkisidorea, Zamorako apezpikua izan zena, jaio zen.

Udaletxeko balkoian dagoen inskripzioak honela dio: “Casa Consistorial de Yspaster destinada para hospital militar de Voluntarios de Vizcaya en 1813. Quemada por esta causa por los franceses y reedificada por dicho Yspaster en 1817”.

Hainbat baserri aipagarri kokatzen dira udalerri honetan, Aizpe Haizea, Erkiaga-Erdikoa, Kaltzada eta Gallete auzoko baserriak esaterako.

Arkitekturan aipagarri da baita ere Aixeder Errota. Hau ere, Pedro Bernardo Villareal de Berrizen sorkuntza da eta bere jatorria 1723. urtean egon zen lehortean du, inguruko erreketako errotak gerarazi baitzituen.

Txoko lasaia: Ogella hondartza

Herrigunetik bertatik oinezko bide bat jarraituz ailegatu daiteke, nahi eta kotxez ere joaterik izan. Bere berezitasun nagusienetakoa da urtero itxuraz aldatzen dela, korronte, marea edo klimatologiaren arabera are gehiago edo gutxiago izaten du.

Inguruan lasai egoteko gunea dago ikuspegi paregabearekin.

Ispasterko Udaleko webgunea

Zer egin / ikusi

Ogella hondartza

Ogellako hondartzak duen berezitasun nagusietako bat urtero itxuraz aldatzen dela da, gainaldeak erakusten duen are kantitatea korronte, marea edo klimatologiaren arabera aldatuz. Edertasun handiko kalan aurkitzen den ezkerraldeko eta eskuinaldeko olatuen point break bikaina da.

Gehiago irakurri

Aixeder Errota

Haize-errota hau Pedro Bernardo Villarreal de Berrizek eraiki zuen 1729an, itsasoko haizeetara zabalik, eskualde honetako ur-errotak geldiarazi zituen lehorte bat gertatuz geroztik.

Gehiago irakurri

Zubieta jauregia

Lea ibaiaren paduraren ondoan dago, Lekeitiotik oso gertu. Kantabriar Erlaitzeko luxuzko barrokoa izan zenaren adibiderik onenetakoa dugu jauregi hau.

Gehiago irakurri

Baserriak eta Landa Arkitektura

Ispasterreko udaleko hirigunea, Elexalde, XIX. mendekoa omen da, lehenagoko aztarnak badaude ere.Baserrien auzoak laborantzarako etxeen elkarteak dira, habitat sakabanatuak direnak. Honatx haietako batzuk: Barainka, Mendasona, Goiherri, Solarte, Kortazar, Zatika, Artika, Kurtziaga eta Gardata.

Gehiago irakurri

Herri Kirolak

Ez dago, herri edo auzorik, txikia izanda ere, jaietan HERRI-KIROLen erakustaldi eta lehiaketarik antolatzen ez duenik. Urtean zehar hainbat jai eta ospakizunetan herri-kirol erakustaldiak antolatzen dira, gure ohitura eta kulturaren ikur, zaleen gozamenerako.

Non jan

Areitz Bi (Frontoia)

Jatetxetik herriko probaleku-frontoia ikus daiteke, non hainbat lehiaketa (zaldi eta mando probak, mus txapelketak, …) jokatzen diren.

Herriko taberna (Ispaster)

Udaletxe azpian kokatuta dago. Sukaldaritza etxekoa eta tradizionala lantzen da Herriko Tabernan. Ez du aurrez prestaturiko jakirik erabiltzen, eta hori agerian geratzen da jakien zaporean.

Meson Arropain

Arropain jatetxea tradiziozko euskal sukaldaritzan espezializatzen da. Mediterraneoko sukaldaritza ukitu batzuk eta Tibet sukaldaritzako plater batzuk ere baditu.

Lo egin

Kurtxia Landetxea

1990ean berritutako XVII.mendeko baserri bat da.Paisaia berezian kokatuta, itsasoa eta mendia ingurune natural berezia eratzeko sortzen diren tokia.

Natxiondo Landa-Hotela

Lea-Artibai eskualdeko baserri tipikoa da. Aparteko arreta jarri dute bere barne apainketan, guztiz eraberritutako1764ko baserria honetan; tradizioa, apaindura eta erosotasuna elkartuta.

Zubieta Hotela

Zubietako Jauregiaren lorategietan dago, kokaleku historikoa eta ikuspegi ederrak dituena. Lekeitioko erdigunetik oso gertu dago.

Agenda

Ispasterko Nekazal Azoka

Ispaster
2020/09/19
Urteko ospatzen den Ispasterko nekazal azoka honetan, baserriko produktuak saltzeaz gain, animalien erakuseta eta okela dastaketa ere izaten dira.