Gure gastronomia beti izan da, eta gaur egun are gehiago, gure kultura eta nortasunaren ikurra. Ospe handia dugu eta bai hemen, bai hemendik kanpo, denek dakite Euskadin oso ondo jan eta edaten dela, eta honek gure produktuen eta zerbitzuen kalitatean du oinarri. Produktu eta zerbitzuak ezagutzera eman behar dira: bisitak, produktuen azalpenak eman, pintxoak, portuak, ortuak, kontserbak, txakolina, sagardoa, gazta… Laburbilduz, heldu da garaia gure nortasun gastronomikoa balioan jarri eta gure bisitariekin partekatzeko. Horregatik, Lea-Artibai eskualdeko zenbait enpresak Turismo Enogastronomiko kluba sortu dute. Klubak egonaldiak, menuak, produktuak, bisitak eta jarduerak eskaintzen ditu. Klubaren parte diren enpresak honako hauek dira: